štorije po istrijanski

da se ne zatare istijanska besida

RSS 2.0

Zašto nis

Zašto nis dub u boški? Nikad ne bin bija sam. S granjen da vajka tičen jenu čerišnju kuja je nikla tote, jušto poli mene, i nikamor ne more poj.

Zašto nis vaška? Nikad ne bin bija žedan. Z mene da pije blago i divojke da točaju noge. Pop da krsti malo dite. Bikar da si upere ruke.

Zašto nis česta? Svi bi me volili. Česta za u valu s jangurijami kuje su vajka zrile, kuje vajka restu. Česta prez škulj, česta za siromahe i bogate, česta za u nebo.

Zašto nis srce od vola? Niš ne bin ma strah i svit bi bija moj.

Zašto nis uno ča ču ja, nego uno ča drugi reču da moran biti?

Categories: Štorije

Barba

One Response to “Zašto nis”


Leave a Reply

Your email address will not be published. Required fields are marked *