štorije po istrijanski

da se ne zatare istijanska besida

RSS 2.0

Mijar lit

Eli če biti svita za mijar lit? Eli če ljudi vorati i delati zemlju za miljar lit? Ili če živiti od zraka i bonboni iz farmačije. Eli če ki znati da san ja bija tote? Da su moja dica bila tote, i njihove dice dica? Eli če ta hiža biti tote za miljar lit? Ča če biti na njejen mistu, ki če je zrušiti, ča če biti u kopištu? Čigova kasa če gnjijati u mojen grobu za miljar lit ?

Ničesa ne bude za miljar lit. Nedan ne bude zna da san ja bija tote, nedan neče čuvati moju sliku, ni dica moje dice ne budu znali od kud su potekli. Hiža i sve oko nje ne bude tote za miljar lit. Forši če je voda ponesti ča, forši če na njejo misto uzidati brečeriju, biga vrag.

Ča je moj život u miljari lit, ča je jedan dan moga života u miljari lit ča če još dojti i pasati? Niš.

Ma steši ču poj nakrmiti blago večeras, pur ki mi se grusti ustajati z divana.

Categories: Štorije

Barba

One Response to “Mijar lit”


Leave a Reply

Your email address will not be published. Required fields are marked *