štorije po istrijanski

da se ne zatare istrijanska besida

RSS 2.0

Ustala je noseča

noseca

Ustala je noseča, se gori po komunu. Svakamor je hodila, klatila po voštarijah, plesi, samlji… To njoj ni rabilo.

Ustala je noseča, kako moja Vijola kad se na Sinokoši na vola stala. Jokala je sedan dan potlje, šepala na jenu nogu, a vime joj je zadivalo kad je hodila – doklje se ni utelila.

Ustala je noseča – s kin ne zna se još. Nikuji gore s merikanom, drugi s talijanon. Z domačin ni sigurno, prike bi se zajno znalo.

To ča je ustala noseča ni niš ne. Gremo je pozdraviti, ponesimo joj deset deki kafela i jene biškote. Forši je rabi ča pomoči? Pomesti kortu? Ubrnuti sire? A forši nan i povida ča lipega da se potlje moremo smijati – i po komunu kušeljati.

Categories: Štorije

Barba Barba
Ja san Barba, i pišen štorije. Na istrijanski - ko ne kapiš, ki ti je kriv. Još ko si iz Istre a ne kapiš, more te sran biti! Pitaj mater ili voca da te navadi.


Pušti kuju lipu besidu:

Nečemo ti ne ukresti imejl, njanke ga pokazati svima tote.

Moreš janke metati uve HTML stvari: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>