štorije po istrijanski

da se ne zatare istrijanska besida

RSS 2.0

Trube

tovar

Ča ti se zapera kad ti niki reče da si trubast? Da ne znaš niš? Da si defičente. Da si bija na zahodu kad je bog dilija mozak. Da nimaš pameti anke koliko črnega spod nohta. Da si munjen, udren u glav, zgoren.

Benj, takov je bija moj pretelo. Vuon je bija toliko trubast da mu janke ni smetalo kad si mu reka da je trube. Vuon je forši pera da je to lipo i kako da se je štima ča je trubast.

Ma si trubast. Kaj tovar. He, he, da san, bi reka. I dignuja bi si brgeše još gori, zgor pupka, do cic, ki tirake su mu slabo držale.

Kad smo bili militari, doli s vragon u črnoj gori, i potlje anke tri miseca u makedoniji, vajk smo bili skupa. Vajk je dela dišpete po vojarni, i vajk bi ga čepali pak je mora čistiti zahode. Njemu kako da to ni bila kazna – forši zato ki je bija trubast. Škuola mu nikad ni hodila, kunpena se je zna potpisati, a jenu pađinu đornala bi štija dvi ure. Kad je doša doma  iz militari je poša delati kako smetlar.

A denaska, eee denaska…. Denaska je vuon diretur u laguni! U veštitu gre na delo i vozi veliku veturu. Ima hižu u Savičenti, vikendicu u Peroju! Šoldi mu gredu na vuši van! Ma ča bi te rekli na to, ki je tote munjen ?? Ne, ne, munjen, nego TRUBE !?

Categories: Štorije

Barba Barba
Ja san Barba, i pišen štorije. Na istrijanski - ko ne kapiš, ki ti je kriv. Još ko si iz Istre a ne kapiš, more te sran biti! Pitaj mater ili voca da te navadi.

3 Responses to “Trube”


Pušti kuju lipu besidu:

Nečemo ti ne ukresti imejl, njanke ga pokazati svima tote.

Moreš janke metati uve HTML stvari: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>