štorije po istrijanski

da se ne zatare istrijanska besida

RSS 2.0

Kraj svita

krajsvita

Tote je. Blizu.

Pošli smo u brajde da čemo kopati kumpire. Zemlja je bila tepla i suha, sunce je grijalo. Susedovi lišnjaki priko puta uzdavni su u baredi i nedan hi ne bere. Mrež njima skrojzi je ništo šuškalo, niko blago smo perali, ma vece to su bile dvi divojke ča su se guole ljubile. I niput smo prvi put znali da je kraj svita tote. Matike su zazvonile i vuone su ušle…

Za par dan morali smo poj u Poreč na socijalno. U radničkoj kurjeri je bilo teplo, ma uz čakulu sa nikin cetin ča hi nismo vidili čuda lit, i to smo potrpili. Na stanici je bilo mirakuli ljudi. I jušto niput je došla nika kurjera puna črnci, vrag da bi hi uza. S kud vraga su došli ? Malo dalje kineži šeču gradon. Ma kamo gre ti svit ? Kraj je tote.

Pošli smo u Konžum. Ja san si rabija kupiti kosir a žiena badekoštum – za delati u lozah, migo za na Lim! Kosiri ni bilo, ma benj badekoštumi je svaku fozu. Niki holandeži sprid nas na kasi su špežu platili s plastikon! Valje smo se prenuli, eli če prijati naše šolde? Ča hartu i munidu drugo ne uzimlju? Kad uno ča gvadanjaš niš ne vridi, niput moraš znati da je kraj svita blizu.

Pasali su Božić i Novo lito. Ako će kad svit finiti to če biti pokle Božiča – nikako mi je to vajk bilo u glavi. I doša je i taj dan, kad san pera da je sve finilo, dan kada san se prekrižija fintor dva puta, dan kada nan je umisto našega popa hižu doša blagosloviti črnac. Črn kako ugljen. Iz črne bijafre.

San pera da je finilo, ma vece još ni… Ča more biti još gorega od tega ča smo provali?

Categories: Štorije

Barba Barba
Ja san Barba, i pišen štorije. Na istrijanski - ko ne kapiš, ki ti je kriv. Još ko si iz Istre a ne kapiš, more te sran biti! Pitaj mater ili voca da te navadi.


Pušti kuju lipu besidu:

Nečemo ti ne ukresti imejl, njanke ga pokazati svima tote.

Moreš janke metati uve HTML stvari: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>