štorije po istrijanski

da se ne zatare istrijanska besida

RSS 2.0

Kafelasto

kafelasto

Moj najliplji kolor je kafelast. Nikuji vole zeleno kako trava, nikuji krvavo kako erbakanele, treti vole črno kako ugljen, ma vece meni sve no ča je kafelasto je prikolipo.

Kafelasto je seno za krmiti blago. Kafelasta je grota sprid dora na kujoj počivan. Kafelast je majun ča me grije cilu zimu. Kafelast je šijar i krožat kuje nosin za fešte. Kafelasta je sirka kuju rabi požeti prije nego dojdu daždi – kafelasti. Kafelasti su mi muštaci i nohti od tabaka ki kurin. Kafelaste su voči moje Fumice.

Kafelasto je sve ča sanjivan. U zadnje vrime anke ne vidin druge kolore. Forši če i smrt kad dojde, biti kafelasta.

Categories: Štorije

Barba Barba
Ja san Barba, i pišen štorije. Na istrijanski - ko ne kapiš, ki ti je kriv. Još ko si iz Istre a ne kapiš, more te sran biti! Pitaj mater ili voca da te navadi.

One Response to “Kafelasto”


Pušti kuju lipu besidu:

Nečemo ti ne ukresti imejl, njanke ga pokazati svima tote.

Moreš janke metati uve HTML stvari: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>